«

»

Апр 09

«БАЙАНАЙ 2018»

Хоноҕор нэһиэлиэгэр «Байанай» күрэҕэ сылын аайы бэрт тэрээһиннээхтик 5 — төгүлүн үрдүк таһымнаахтык ыытыллан кэллэ. Муус устар 7 күнүгэр «Хоту Ымыйахтаах» ытык сиргэ, сарсыарда 9 чаастан дьонун — сэргэтин үөрэ көрүстэ.
Күрэххэ сэттэ киһилээх, түөрт хамаанда кытынна. Бу күрэххэ булту сэҥээрэр,дьарыктанар эдэр дьон кыттыыны ылла. Ыалдьыттыы уонна эҕэрдэҕэ кыттыыны ыллылар депутакка кандидаттарбыт эдэр кэскиллээх,киэн туттар,үлэһит үтүө дьоммут- Габышев А.И.,Готовцев А.В. Бурнашев С.С.уонна Стрекаловскай А.В., бүгүҥҥү күрэх кыттыылаахтарыгар эҕэрдэ, махтал тыллары эттилэр уонна бү күрэх араас түһүмэхтэригэр элбэх бириистэри туруордулар.
Күрэх бастакы түһүмэхтэрэ- эстафета,чэй өрүүтэ,ойбон алларыыта,пневматическай саанан ытыы,спортинг уонна канат.
«Түһүлгэ»сынньалаҥ киин кэрэ аҥаардара итии миин өрөн,эбиэт бэлэмнээн,бэртээхэй сынньалаҥ буолан,кыттааччылар үөрүүлэрэ,махтала үгүс буолла.
Пневматическай саанан ытыыта Киренский Василий уонна спортиҥҥа Бубякин Петр Петрович тэҥнээхтэрин булбатылар. Айхал Габышев туруорбут анал бирииһин пневматическай сааһы эдэр булчут Василий Киренский уонна олохтоох дьаһалта туруорбут анал бирииһин Петр Бубякин туттулар.
Салгыы күрэхпит иккис түһүмэҕэ,киэһээ 6 чаастан «Түһүлгэ «сынньалаҥ киинигэр буолла.Өрүү буоларын курдук Николай Колодезников суруйбут «Абылам кутум»диэн ырыатынан саҕаланна,бу ырыаны Петр Бубякин ис- иһиттэн үөрэн, астынан туран ыллаан, көрөөччүлэр, кыттааччылар биир тыынынан иһиттилэр.
Күрэхпит утуу — субуу саҕаламмытынан бардылар ол курдук: МР саа ыһыы уонна хомуйуу, викторина, саха быһаҕын тургутуу уонна улахан собо балык. Күрэхтэр быыстарыгар музыкальнай эҕэрдэлэр буоллулар.
Уус — Алдан техникумун директора Стрекаловскай Андрей Васильевич булчут күнүнэн эҕэрдэлээн туран, нэһилиэк бочуоттаах олохтооҕор, аҕа саастаах, байанайдаах булчукка Серафим Данилович Федоровка дохсун ытыс тыаһынан «Профтех. үөрэхтээһин бочуоттаах ветерана» диэн бэлиэни туттарда.
Күрэх быыстарыгар бултка — алтка аналлаах,лотерея оонньонно.
Сүрүн бирииһи сүүйдэ 11 кылаас үөрэнээччитэ, бастыҥ спортсмен Саша Алексеев уонна киниэхэ бүгүҥҥү күрэх саамай эдэр кыттааччыта диэн анал бириис туттарылынна. Быйылгы күрэхпитигэр бэлиэтиибит аҕа уолунаан кыттыыта буолар, ол курдук- Жирков Николай уолунаан Георгийдыын уонна Бубякин Петр уолунаан Петрдыын, анал бириистэри ыллылар. Күрэхпитигэр үгүс элбэх бириистэр олохтоннулар, анал ааттар иҥэрилиннилэр.Сылын аайы бу күрэҕи иилээн — саҕалаан ыытар «Уус — Алдан техникумун» маастара, кэскиллээх булчут- Николай Николаевич Ноговицыҥҥа «Түһүлгэ»с/к анал бирииһин туттарда.
Күрэх түмүгэ:
1 миэстэ- «Үрдэл -1″хамаандата,
2 миэстэ- «Чуумпу кытыл» хамаандата,
3 миэстэ- «Үрдэл- 2» (Уус-алданнаагы техникум) хамаандата;
Бу улахан тэрээһиҥҥэ күүс — көмө буолбут ,нэһилиэкпит тэрилтэлэригэр ол курдук:олохтоох дьаһалта баһылыгар Иванов В.И.,»Кустук» оҕону сайыннарар киин сэбиэдиссэйигэр Алексеева К.И.,»Доҕордоһуу» музей директорыгар Охлопков С.С.,»Уус — Алданнааҕы техникум» директорыгар Стрекаловскай А.В.»уонна анал бириистэри туруорда «Доҕордоһуу» музейын хаһ./чаас директора Мохноносов А.В. Бу күрэҕи тэрийбит,күүс — көмө буолбут дьоммутугар, «Түһүлгэ» сынньалаҥ киин директорыгар Федоров Е.Е. уонна үлэһиттэригэр, бука — барыларыгар тэрийээччилэр махталларын эттилэр.
Күрэх кыттыылаахтара Саха киһитэ бэргэн ытааччы,бааттаах байанайдаах булчут уонна аар тайҕа араҥаччыһыта,буолуохтааҕын өссө төгүл итэҕэттэ.